Fryske Software

[Daam]

Ik ha Coppermine* oerset yn it Frysk. Ik sjoch ta myn fernuvering al dat it in ferhipt soad fan dit foarum wei hat, dat mooglik hie ik my de muoite besparje kinnen, mar goed, ik ha it no al dien. Coppermine is gewoan op ynternet op te heljen, de Frysktalige fariant (yn wêzen oanfolling) is by my te krijen (belje mei de Afûk, streekrjocht nûmer: 058-2343075).

De wurking fan ien en oar is te sjen op www.aldfaerserfbitgum.nl

* Coppermine is in frije Multimedia Gallery, útjûn ûnder GNU GPL (foar it tafoegjen fan it Frysk as taal kinst kontakt opnimme mei de behearder.). Coppermine hat in bulte mooglikheden is is test op de meast foarkommende platfoarms. Gean nei Coppermine Home Page om der mear oer te lêzen of om it programma op te heljen.
_________________
drink net om te ferjitten mar ferjit ek net om te drinken

[Wim]

Hé Daam, goed dien!
Ik haw mar efkes in nij foarum oanmakke spesjaal foar dit programma.
Neffens my is it al wat oars as phpBB2, dus Coppermine is in weardefolle oanfolling oan de list mei Ynternet tapassings.
Coppermine sels kinst ynlade fan ôf http://coppermine-gallery.net. Is it in idee om it Fryske bestân hjir op de side te setten sadat minsken it sels ynlade kinne? Dan kinst do hjir in berjocht pleatse mei de ynstallaasje ynstruksje.
_________________
--------------------------

[Daam]

Wim,

Dat soe faaks kinne, om't it Frysk in taaloanfolling is. Allinnich is it wol sa dat yn in pear bestannen noch in tal saken oanpast wurde moatte om dy taal ek oan te sprekken. No kin ik dy oanpaste bestannen hjir wol delsette fansels, mar it hat goed kâns dat by elke update fan Coppermine oer dy bestannen hinne skreaun wurde sil. It is dus faaks better dat ik in foech hantlieding delset om oan te jaan wat der yn hokker bestannen oanpast wurde moat. Ik sil der oer neitinke!
_________________
drink net om te ferjitten mar ferjit ek net om te drinken

[COR JOUSMA]